रायगड जिल्हास्तरीय युवा महोत्सवाचे आयेाजन दि.01 जानेवारी रोजी

 

// बातमी प्रसिध्दीसाठी //

 

रायगड जिल्हास्तरीय युवा महोत्सवाचे आयेाजन दि.01 जानेवारी रोजी

 

            क्रीडा व युवक सेवा संचालनालय, महाराष्ट्र राज्य, पुणे  अंतर्गत जिल्हा क्रीडा अधिकारी कार्यालय, रायगड यांचे वतीने रायगड जिल्हास्तरीय युवा महोत्सवाचे आयोजन दि.01 जानेवारी 2023 रोजी सकाळी 10.00 वा. सी के ठाकुर महाविद्यालय, खांदा कॉलनी, पनवेल येथे करण्यात येत आहे.  

            केंद्र शासनाच्या युवक कल्याण विभागाच्या वतीने राष्ट्रीय युवा महोत्सवाचे आयेाजन करण्यात येते. त्यापुर्वी राज्यस्तरीय युवा महोत्साचे आयेाजन महाराष्ट्र शासनाच्या वतीने करण्यात येते. राज्यस्तरीय युवा महोत्सवामध्ये सहभागी होण्याची संधी रायगड जिल्ह्याचे युवक - युवतींना या युवा महोत्सवामधुन मिळणार आहे.

             या युवा महोत्सवामध्ये लोकगीत व लोकनृत्य या कला बाबींचा समावेश राहील.  लोकगीत  मध्ये सहभागी होणाऱ्या संघामध्ये साथसंगतसह 10 कलाकार सहभागी होऊ शकतील, सादरीकरणासाठी त्यांना 07 मि. वेळ देण्यात येईल. लोकनृत्य मध्ये सहभागी होणाऱ्या संघामध्ये साथसंगतसह 20 कलाकार सहभागी होऊ शकतील, सादरीकरणासाठी त्यांना 15 मि. वेळ देण्यात येईल.

            सर्व युवक - युवतींचे वय 15 ते 29 वर्ष असणे गरजेचे आहे.  त्यासाठी त्यांचा जन्म दि.12 जानेवारी 1994 ते 12 जानेवारी 2008 या कालावधीत झालेला असावा.  स्पर्धा ठिकाणी संघांची प्रवेशिका भरुन सादर करावी लागेल. तसेच स्पर्धेसाठी येतांना आधार कार्ड / जन्म तारखेचा दाखला / बोर्ड प्रमाणपत्र किंवा महाराष्ट्राचे अधिवास प्रमाणपत्र यापैकी एक कादगपत्र जोडणे आवश्यक आहे.

            अधिक माहितीसाठी श्री सचिन निकम क्रीडा अधिकारी यांचेशी मो.क्र.8856093608 येथे संपर्क साधावा व रायगड जिल्ह्यातील जास्तीत जास्त संघांनी, महाविद्यालयांनी या स्पर्धेमध्ये सहभाग घ्यावा असे आवाहन जिल्हा क्रीडा अधिकारी श्री रविंद्र नाईक यांनी केले आहे.

महत्वाची सुचना-2 दि.15-11-2022* *Additional Primary Form मुदतवाढ

जिल्हा क्रीडा अधिकारी कार्यालयाच्या वतीने सन 2022-23 करीता अतिरिक्त प्राथममिक प्रवेशिका Additional Primary Form ऑनलाईन उपलब्ध करुन देण्यात येत आहे. सदर प्रवेशिका सादर करण्याचा कालावधी *दि.09-11-2022 ते दि.16-11-2022* असा राहील. अतिरिक्त प्राथमिक प्रवेशिका असल्याने यांनतर कोणताही पर्याय नाही. त्यामुळे सदर प्राथमिक प्रवेशिका काळजी पुर्वक भरावी. याबाबत प्राधान्याने व तात्काळ कार्यवाही करावी, मुदत समाप्त होण्याची वेळ आल्यावर कोणतीही विनंती स्वीकारली जाणार नाही. शुल्क भरणा करण्यासाठी शक्यतो गुगल पे, फोन पे यासारख्या ॲप चा वापर करावा. वेळेत अतिरिक्त प्रवेश अर्ज भरण्याची दक्षता घेण्यात यावी. प्राथमिक प्रवेश अर्ज भरल्यानंतर शुल्क भरणा केलेल्या खेळ / खेळ बाबींसाठी खेळाडूंची नावे अपलोड करता येतील. ती कार्यवाही वेळेत करावी.

शालेय क्रीडा स्पर्धा आयोजन बाबत शाळा/ महाविदयालयांना मार्गदर्श सुचना

 

महाराष्ट्र शासनाच्या क्रीडा विभागामार्फत दरवर्षी शालेय क्रीडा स्पर्धांचे आयोजन करण्यात येते. तथापि, सन 2020-2021 आणि 2021-2022 या दोन वर्षामध्ये कोविड 19 प्रादुर्भावामुळे शालेय क्रीडा स्पर्धेचे आयोजन करण्यात आलेले नव्हते.

      सन 2022-2023 या वर्षीच्या शालेय क्रीडा स्पर्धा आयोजनास शासनाने नुकतीच परवानगी दिलेली आहे. यावर्षी सन 2019-20प्रमाणेच स्पर्धा आयोजनाच्या प्रवेशिका हया ऑनलाईन पधद्तीनेच घेण्यात येणार आहेत. याबाबत www.mumbaidivsports.com ही ऑनलाईन प्रवेशिका भरण्याबाबतची साईट सुरु करण्याबाबत कार्यवाही सुरु आहे. सदर साईट सुरु होताच याबाबत शाळा महाविदयालयांना अवगत करण्यात येईल. तसेच तालुकास्तरावर बैठकांचे आयेाजन करुन आपणास पुढील माहिती देण्यात येईल. तत्पुर्वी शाळा महाविदयालयांनी पुढील मार्गदर्शक सुचनांप्रमाणे कार्यवाही करावी. जेणेकरुन स्पर्धा आयोजन करताना अडचणी येणार नाहीत.

1)       शाळा महाविदयालयांनी आपल्यास्तरावर विविध खेळांच्या खेळाडूंची निवड चाचणी आयोजित करुनच प्रत्येक खेळामध्ये सहभागी होणा-या वैयक्तिक व सांघिक खेळाडूंची निवड करावी.

2)       निवड झालेल्या सर्व खेळाडूंची माहिती जसे की,जन्मतारीख, इयत्ता, वय, आधारकार्ड क्रमांक, ज्या खेळामध्ये भाग घ्यावयाचा आहे त्याचे नाव इ. तयार करुन ठेवावी.

3)       कोणत्याही कारणास्तव एकदा निवड केलेला खेळाडू बदलण्याची परवानगी मिळणार नाही. त्यामुळे खेळाडूंची निवड करताना विहीत पध्दतीनेच आणि खेळाडूंना विचारुनच करण्यात यावी.

4)       सन 2022 पासुन कोणत्याही स्पर्धेमध्ये सहभागी होण्यासाठी वयाचा पुरावा म्हणून स्पर्धेला जाताना खेळाडूचे आधारकार्ड / पासपोर्ट आणि जन्मतारखेचा पुरावा असणारी बाब (उदा.शाळेचे बोनाफाईड, जन्मतारखेचा दाखल्याची सत्यप्रय अथवा शाळेच्या जनरल रजिस्टरची सत्यप्रत ) असणे आवश्यक आहे.त्यामुळे याबाबत खेळाडु व पालकांना माहिती दयावी.

5)       जिल्हा क्रीडा अधिकारी कार्यालयाकडुन शालेय क्रीडा स्पर्धा आणि कार्यालयाकडुन आयोजित करण्यात येत असलेल्या विविध उपक्रमांबाबतची माहिती आपणास ही http://raigadsports.blogspot.com/  या वर उपलब्ध असेल. त्यामुळे याबाबत वरील साईट नियमित पाहण्याबाबत खेळाडू व पालकांना माहिती दयावी. स्पर्धेसाठीची प्राथमिक प्रवेशिका, खेळ निहाय प्रवेशिका, स्पर्धेच्या भाग्यपत्रिका, स्पर्धा वेळापत्रक, ठिकाण, तारखा इ. स्पर्धेच्या अनुषंगाने सर्व माहिती ही वरील साईटवर उपलब्ध असेल, त्यामुळे सदर साईट नियमित पाहावी.

6)       प्राथमिक प्रवेशिकेची ऑनलाईन नोंद झाल्यानंतर खेळाडूंची नोंदणी (ओळखपत्र) करुन संघ / खेळाडूंचे ऑनलाईन प्रवेश अर्ज प्रत्येक स्पर्धेच्या प्रथम दिवसाच्या पाच दिवस आधी अथवा विहीत केलेल्या कालावधीमध्येच नोंद करणे आवश्यक आहे. त्यावर शाळेच्या मुख्याध्यापक अथवा महाविदयालयाच्या प्राचार्याचा सही शिक्का असणे अनिवार्य आहे. त्यांनतर सदरचा प्रवेश आपोआप बंद होईल. असा प्रकारे प्रवेश बंद झाल्यानंतर संघाची / खेळाडूची प्रवेशिका ऑनलाईन स्विकारली जाणार नाही अशा खेळाडूंना कोणत्याही सबबीवर स्पर्धेत सहभागी करुन घेण्यात येणार नाही.तसेच फक्त ऑनलाईन ओळखपत्रावरही सहभागी करुन घेतले जाणार नाही. ऑनलाईन प्रवेश अर्ज आवश्यक राहील, याची सर्व क्रीडा शिक्षकांनी नोंद घेवून सहकार्य करावे, मॅन्यूअली तयार करण्यात आलेल्या प्रवेशिका / ओळखपत्रे असलेल्या खेळाडूंना स्पर्धेत सहभागी करुन घेण्यात येणार नाही याची कृपया नोंद घ्यावी.

 

आपला – सुहास व्हनमाने, जिल्हा क्रीडा अधिकारी, रायगड