जिल्ह्यातील सर्व शाळा/ विद्यालय/ महाविद्यालय/ शैक्षणिक संस्थांमध्ये राष्ट्रीय क्रीडा दिन आयोजन

                 दि.29 ऑगस्ट  हॉकीचे जादुगार खेळाडू मेजर ध्यानचंद  यांचा जन्मदिवस असून हा दिवस संपुर्ण भारतामध्ये राष्ट्रीय क्रीडा दिन म्हणुन साजरा करण्यात येतो.   क्रीडा व युवक सेवा संचालनालयाच्या वतीने दि.29 ऑगस्ट 2023 रोजी राज्यामध्ये राष्ट्रीय क्रीडा दिन व्यापक स्वरुपात साजरा करण्याचे निर्देश देण्यात आलेले आहेत. 

                जिल्ह्यातील सर्व शाळा/ विद्यालय/ महाविद्यालय/ शैक्षणिक संस्थांमध्ये खालील प्रमाणे खेळांच्या स्पर्धांचे आयेाजन करावे. 1. मैदानी स्पर्धा                 2. फुटबॉल               3.स्वदेशी खेळ         4. आंतरगृह क्रीडा स्पर्धांमध्ये बॅडमिंटन, कॅरम, बुध्दिबळ इ.      5.बाहुबल स्पर्धा (आर्म रेसलिंग)                 6.  मनोरंजनाचे खेळ - लंगडी, लिंबु चमचा इ. 

                या कार्यक्रमाचे उद्घाटनवेळी मेजर ध्यानचंद व कै. खाशाबा जाधव यांचे प्रतिमांचे पुजन करावे. त्यांचे विषयी विद्यार्थ्यांना प्रस्तूत माहिती देण्यात यावी. तसेच आयोजनाचे बॅनरवर जी-20 या लोगो  तसेच केंद्र शासनामार्फत क्रीडा दिनाचा तयार करण्यात आलेला लोगो (ऑनलाईवरुन डाऊनलोड करता येईल) याचा वापर करावा. वर्षभर विविध स्पर्धांत खेळामध्ये उत्कृष्ट कामगिरी करणा-या आपल्या शैक्षणिक संस्थेतील खेळाडूंना प्रोत्साहन देवून / बक्षिस देवून सत्कार करावा. आयोजित कार्यक्रमांची नोंद फीट इंडीया - एन एस डी ( https://fitindia.gov.in ) येथे करावी आभासी समाजमाध्यमे जसे फेसबुक, इन्स्टाग्राम इ. वर कार्यकमांचे छायाचित्रे (फोटो), चलचित्रे (व्हीडीओ) #National Sports Day  वापरुन अपलोड करावे.

                या कार्याक्रमांना प्रसिध्दी देण्यात यावी. कार्यक्रमाचा अहवाल, फोटो इत्यादी माहिती जिल्हा क्रीडा अधिकारी कार्यालयास dsoraigad.2009@rediffmail.com   येथे ईमेलव्दारे त्याच दिवशी पाठवावे असे आवाहन जिल्हा क्रीडा अधिकारी श्री रविंद्र नाईक यांनी केले आहे.